Geschichte Landwirtschaft

Im Johr 1629 häwwe in Rore 11 Bauernfamilje geläbt, die Gail hadde und sechs, die vemutlisch ner mit Kieh ackerde, wie's im Ourewold noch in dem Johrhunnerd ieblisch wohr. Während em 30jährische Kriesch is die Reerer Bevelgerung gonz schee zammegeschmolze, 1640 worn in Rore grademol noch finf Haiser bewohnt.

Veel Leit, die im Lischdebäijer Schloss Schutz ver de wilde Soltadeska gesucht hadde, sin 1635 de grouße Pest zum Opfer gefalle. 1707 hads in Rore donn wirrer ocht Bauern, zwaa Miller un en Zimmermonn mit Noome Ulrich Karr, der aus de Schweiz do her kumme is, gewwe. E poor vun denne Familje, die wo immer ner oan Erwe hadde, konnde ehrn Bestond hoale, onnern, die veel Kinn han, musste ehr Felder immer weirer uffdaale, soudass schließlisch fer de oanzelne kaum genung zum Läwe üwwerisch gebliwwe is. 1849 hodd Rore 351 Oiwohner gehadd, die in 44 Haiser geläbt hawwe, 17 Familjevädder häwwe im Taachelohn bei de grouße Bauern geaaweid. Außerhalb vum de Landwerdschaft hots sellemols uffm Lond net veel se vediene gewwe.

Bocksmühle
Sou hot im 19. Johrhunnerd in veele Familje Oarmut geherrschd. De Ourrewäller Spruch "Kaddoffel in de Frieh, Middaachs in de Brieh, Ouwends im gonze Kleid, Kaddoffel in alle Ewischkeid" hot dodevou Zeignis obgeleggd. E poor Familje häwwe sellemols e besser Läwe im ferne Ameriga gesucht. Erst gäije End vum Johrhunnerd häwwe sich die Verhältnis geännerd, net zuletzt dorsch de Bau vun de Ludwischsbahn Darmstadt-Erbach 1870 und vum "Ourrewäller Liesje" 1887. Vun do ou sin die erste Pendler nooch Darmstadt uff die Ärwed gefohrn. Aach fer die Londwert hot sisch dodemit e nai Oikommensquell uffgedou: die konnde Milsch in greesere Menge nooch Darmstadt bekaafe. Dodezu mussde se awwer schun frieh moiends um veer Uhr om Boahnhof in Bieweraa orrer Roinem ougelieferd wern.

Die Veännerunge vum 20. Johrhunnerd hawwe nadurgemäß net vor Rore Halt gemoacht, awwer selbst heit gitts in Rore noch finf Milschbauern (Daab, Scheich, Schwöbel, Späth un Vierheller). Auch de Ortskern vun Rore werd noch dorsch grouße Hofreide mit ehrne giewelstandische Wounhaiser un houe mid Saddeldäscher vesäijene Torn geprägt. Aanische vun denne stäije unner Denkmalschutz.


Text uff Hochdeitsch Seitenanfang